Skip to content
منتجات هتنسيكي جفاف الشعر والبشرة
مع إن البشرة الجافة عادةً بتكون مؤقتة أو موسمية، ساعات كتير بتكون مزعجة جداً بالنسبة لنا. بالذات مع تغير المواسم (اللي تحسيه بقى بيحصل كل أسبوع تقريباً اليومين دول)، بنلاقي بشرتنا جافة ومزعجة جداً… إلغي رحلتي!
البشرة الجافة ساعات بتكون بسبب السقعة أو تغير الجو أو الشمس، بس المهم انك تحافظي على بشرتك وتستعملي المنتجات اللي فعلاً تقدر تعالجلك المشكلة دي.
احنا دايماً هنشجعك تستخدمي منتجات طبيعية، وده بديهي بما إن احنا بنبيع منتجات طبيعية، بس هو بردو بسبب ان احنا عارفين قد ايه الكيماويات بتأذي بشرتنا لما بنستعملها باستمرار. مع إن المنتجات التقليدية بتحل المشاكل بشكل مؤقت، لو بطلتي تستخدميها هتلاقي مشكلتك رجعت وبقوة!
لو خلاص مبقيتيش قادرة تكملي أذى في بشرتك اللي تعبت من الكيماويات والمنتجات التقليدية وعايزة حل طبيعي يرطب وينعم بشرتك هتلاقي الحل ده عندنا.
انسي البشرة الجافة مع الكريم الطبيعي ده
متقلقيش… لو انتي مريتي بالمشاكل دي، احنا عملنالك الحل اللي هيخلصك من الموضوع ده خالص.
كريم سموذ الطبيعي المرطب للبشرة من كايوس
سمعنا كتير تعبير لقد هرمنا.. وضحكنا هاهاها من قلبنا ...لكن مش فيري فاني خالص لو هنتكلم عن بشرة جافة متشققة... دي بصراحة تبقى حاجة تزعل مش تضحك! تعالوا نعمل فاست فوروارد ونعدي كل الكريمات التجارية اللي في الحقيقة مش بترطب البشرة قد ما بتسيب عليها طبقة دهنية لزجة. وخلينا نركز في اختيار عملي وفعال. سموذ هو كريم غير دهني غني بالعناصر المرطبة زي زبدة الشيا والعناصرالملطفة زي عشبة الليمون والمرمية والافندر والكاموميل في مزيج غني يبدأ تأثيره العطري على مشاعرك وانتي بتفتحي العلبة.
أحلى حاجة ان الكريم ده ريحته تحفة وبيمتص بسهولة في البشرة وكمان مفيهوش أي مكونات مقرفة من اللي بنلاقيها في منتجات كتير. ده غير ان الكريم ده مليان مكونات مغذية للبشرة هتخلي بشرتك ناعمة ومنورة، ومش هتلاقي كريم بيرطب البشرة بالفعالية دي في حتة تانية!
طيب أعمل ايه بقى لو شعري كمان بيعاني من الجفاف؟
لو بقالك سنين بتستخدمي شامبو وبلسم بمكونات مجهولة المصدر، أكيد شعرك تعب من اللي بيحصل فيه… احنا عارفين ان مش سهل انك تستعملي منتجات طبيعية بس، بالذات عشان هي بتكون غالية ساعات، بس لازم بردو ننصحك ازاي تقدري تريحي شعرك من شوية الكيماويات اللي تاعبينه دول.
جفاف الشعر له كذه سبب… منهم الجو الجاف أو تغيير الهرمونات أو أدوية معينة بتاخديها أو يكون بسبب الكيماويات والحرارة اللي بيبهدلوا الشعر. في أسباب تانية بتكون أخطر شوية، عشان كدة بننصحك ان لو في مشكلة عندك متحلتش من الحلول البسيطة زي اللي بتقدمهالك كايوس، يبقى يستحسن انك تشوفي دكتور جلدية عشان يعالجهالك.
بس لو انت بقى بتدوري على أحسن ماسك طبيعي للشعر الجاف، عندنا اللي انت بتدوري عليه هنا في كايوس.
ماسك هايدريت الطبيعي للشعر الجاف
شعرك مجهد و بيعاني من الجفاف؟ الأسباب كتيرة لكن المعاناه أكيد هتنتهي مع تأثير زبدة الشيا المرطبة والرمان الملطف ونعومة زيت الأرجان والحماية من التقصف مع حليب الشوفان. ماسك هايدريت بيحافظ علي نعومة وجمال شعرك ويحول الشعور بالجفاف لمجرد ذكريات بعيداااااااااااااا.
الحلول المنزلية بتبقى فعالة في حالات كتير، بس مشكلتها في الريحة والتلزيق والتزييت… الماسك ده بقى مش بس هيرطب شعرك ويرجعه ناعم وجميل، ده كمان هيخليه ريحته تحفة ومن غير أي تلزيق أو تزييت!
حلو أوي الكلام ده أنا عايزاهم كلهم!
بصي بقى، المنتجين دول لازم يكونوا في الروتين بتاعك لأنهم هينسوكي الألم النفسي اللي بييجي من جفاف الشعر والبشرة، وده غير ان هم طبيعيين وسهلين للإستخدام وبيرطبوا البشرة والشعر بشكل محصلش.
بدل بقى ما تجيبي كل منتج من دول لوحده، سهلناهالك وعملنالك المجموعة دي عشان تحل كل مشاكلك.
حلال المشاكل حلال العقد، مين قال إن مراية الحياة ،بمشاكلها، بعقدها ، لازم تكون شعرنا؟ لوانتي أو حد بتحبيه شايفة في شعره إنعكاس لهموم وآلام حياته الحقيه بسرعة بجرعة مكثفة من كريم ملطف للبشرة وماسك مرطب للشعر هيكون لهم مفعول قوي وسريع في عدل الصورة المقلوبة وتحسين الحالة المزاجية بشكل عام. إزازة المياه بتعمل ايه هنا؟ دي إزازة مياه صحية متعددة الاستخدام علشان تفتكري تشربي مياه بشكل منتظم ومش لازم أبدا نوصل لمرحلة العطش بتاعة أحد أحد لأن ده اللي بيسبب الجفاف المستمر للشعر والبشرة . تشيرز!