Left مواصلة التسوق
طلبك

You have no items in your cart

إستيعاب الفوضى في حياتنا

بطريقة طبيعية ومعاصرة

إزاي فجأة لقينا الحياة بتشدنا في جميع الاتجاهات ونتفاجأ ان اليوم بنقضيه في حل مشاكل كل اللي حوالينا من غير ما يتبقى فيه ولا ثانية لينا؟

إيميل شغل +300

الوقت بيطير ما بين ماما وبابا و بقية العيلة و لسة حاسة إنك ماشوفتهمش ولا شبعت منهم …

أصحابك اللي عامالين تتفقوا انكم تتقابلوا ومابيحصلش…

اشتراك الجيم اللي قرب يخلص وكل اللي روحتيه مرتين…

اشتراك الجيم اللي قرب يخلص وكل اللي روحتيه مرتين…

دي صورة مختصرة من حياتك وحياة كل واحدة فينا بتتعامل مع متطلبات حياتنا المعاصرة.

وطبيعي جدا إن مافيش في وسط معصرة إثبات وتحقيق الذات اللي مابترحمش أي فرصة لهدنة ولو ليوم تعتني فيه بشكلك وبنفسك. سبا داي أصبح حلم بعيد المنال ومع غروب شمس كل يوم تتحول ست الحسن والجمال لكائن مخيف شكلا وموضوعا.

صورة مش سكسي خالص

وحتى لما بنلاقي وقت ندلع فيه نفسنا شوية بيكون صعب نطمئن مية في المية ان المنتجات اللي بنستعملها مافيهاش توكسينات ومواد كيمياوية ضارة تأثيرها الحلو بيكون مؤقت لكن تكرار الاستعمال تبوظ شعرنا وتدخلنا في حلقة شرسة من تريتمنتس أقوي وأخطر على صحتنا مش عارفين نبطلها.

علاقة جميلة مع كايوس

وهنا نقطة بداية علاقة جميلة مع كايوس مبنية على التفهم لمتطلبات زحمة حياتك وإحتضان لكل اللخبطة اللي فيها علشان تلاقي وقت لنفسك وتستمعي بيها.

بنقدملك مجموعة منتجات عناية بالشعر خالية تماما من أي مواد كيماوية كلها عبارة عن خلطات طبيعية فيها كل اللي كان نفسك فيه لشعربراق وبشرة متألقة بس مش لاقية الوقت ولا الطاقة انك تعمليهم لنفسك في البيت. ده مش مجرد كلام ووعود فارغة، الموضوع بالنسبالنا جد جدا في الاهتمام ان منتجاتنا تكون كل مكوناتها عضوية بنسبة مية في المية وخالية تماما من أي سالفيت أو برابينات ضارة.

نحب بقدماكم نفسنا. إحنا صديقتين لاحظنا التشابه في ضغوط حياة كل واحدة زينا بين متطلبات الشغل والمسؤوليات المختلفة ففكرنا في ابتكار منتجات للعناية بالشعر والبشرة تكون طبيعية 100% وفي نفس الوقت ماتخدش من وقتنا غير الخمس دقايق اللي نقدر نوفرهم لحاجة زي كدة. ونحب نشاركم ماسكات الشعر بتاعتنا اللي ممكن تستعمل مباشرة على الشعر الجاف و كريمات البشرة سريعة الامتصاص اللي حتساعدك تحققي كل أهداف يومك وانتي عارفة انك دلعتي نفسك شوية من غير ما تضيعي أي وقت كان ممكن تنجزي فيه حاجه أهم … لأن الحقيقة هي إن بالنسبالنا مافيش أهم منك!

وأكيد رأيك يهمنا

نوران وسارة

العربية