كل فوايد زيت الافوكادو من غير عك ولا لحوسة

ماحدش فينا عنده الوقت اللى ممكن يضحي بيه في سماع محاضرات طويلة حتى لو كانت عن موضوع كبير ومهم زي العناية بصحة وجمال بشرتنا وشعرنا. وعلشان كدة قررنا ندخل في الموضوع على طول من غير كلام كتير في آراء و نظريات معروفة ومحفوظة من غير ما يكون ليها فايدة عملية نشوف نتيجتها ونحس بيها.

يلا بينا نتكلم كلام واقعي ممكن نطبقه فورا وينفعنا بشكل عملي! أكيد محدش فينا يقدر يقاوم شكل الفاكهة أو الخضراوات اللي تفتح النفس ولا نقدر ننكر الدور المهم اللي بتلعبه في تغذية وتجديد حيوية بشرتنا وشعرنا.

ثمرة الأفوكادو

 على رأس قائمة الفواكه والخضراوات دي وعلشان كدة الأفوكادو نجم كل مينيو تمسكيها وممكن نلاقي نفسنا دفعنا 200 جنيه بسعادة في مقابل إحساس أول قطمة ’أفوكادو أون توست’ لذيذة. وعلى الرغم ان الأفوكادو من أكتر الفواكه المزعجة في تحضيرها (هنوصل لنقطة مزعجة دي حالا) إلا إنها مليانة معادن وفيتامينات بشكل رهيب تخلينا مانفكرش كتير في سعرها ولا غلاستها، زي مجموعة فيتامين B وعلى رأسها البيوتين و فيتامين E ده غير الحديد وأنواع الدهون الأحادية الغير مشبعة المهمة جدا لشعر وبشرة نضرة وصحية.

و الدليل العلمي على كل الفوايد دي موجود في  دراسة اتعملت سنة 2015  بتقول إن الزيوت الأحادية الغير مشبعة اللي موجودة بوفرة في الأفوكادو تستطيع إختراق خلايا الشعر بصورة عالية والوصول الى أعماق بصيلات الشعر بسهولة لتغذيتها وترطيبها بفاعلية وهي دي في الحقيقة الطريقة الوحيدة اللي ممكن فعلا تقضي تماما على أسباب القشرة وتغير من طبيعة شعر تالف أو مجهد بسبب التعرض للحرارة العالية أو الغسيل بمياه غير نقية وتخليه يرجع شكله جميل وصحي وبيلمع تاني. كلام جميل؟

 طب استحملونا في الحتة الرخمة . لو دورنا هنلاقى مليون ومليون وصفة وخلطة مجربة و مفيدة للشعر المكون الرئيسي فيها هوالأفوكادو. وهنا المشكلة إن الأفوكادو ممكن تفضل ناشفة مش راضية تستوي نستناها لمدة أيام وفجاة نبص نلاقيها مش بس استوت ... دي استوت واسودت و باظت ومالهاش حل غير إنها تترمي و نقعد نستنى من جديد. ولو أستعجلنا وهي لسة ناشفة من جوه النتيجة بتكون أوحش ميت مرة لأن في الحالة دي بردو ولا ممكن تتاكل ولا يستخدم أي جزء منها في أي خلطة مفيدة. الحقيقة ماحدش عنده الوقت اللي ممكن يضيعه في النوع ده من التجارب الفاشلة!

 طيب وإيه الحل؟ هنستسلم كدة بسهولة! الحل بسيط ... بدل الصراع مع الأفوكادو نفسها تقدري تستعملي شامبو أو ماسك للشعرمليان بفوايد زيوت الأفوكادو الطبيعية اللي في وقت قصيرهترجع لشعرك المجهد جماله وصحته ولمعانه الطبيعي.

كايوس بتوفرلك ماسك أفوكادو من غير أي انتظار ولا قلق ولا لحوسة متحضر وجاهز وكل اللي عليكي تحطي الماسك في خمس دقايق بس علشان تشوفي نتيجة حقيقية فعالة وأكيدة. Nourish hair mask مليان بعناصر زيت الأفوكادو الغنية المغذية والمفيدة للشعر تضمنلك علي الأقل فرصة للعناية بشعرك في خمس دقايق وسط زحمة التزامات كل يوم. و للأن شعر الأطفال له طبيعته المختلفة بنقدملهم Feed hair mask المجهزبطريقة لذيذة علشان يقضي على أثار الشقاوة والنعكشة.