Left مواصلة التسوق
طلبك

You have no items in your cart

The 5 Absolute Best Natural Ingredients for Damaged Hair

أحسن ٥ مكونات طبيعية للشعر التالف

جربي الخمس مكونات السحريين دول على الشعر التالف

أي مرة هتدخلي محل بيبيع منتجات تجميل هتلاقي كمية منتجات بتدعي انها ممكن تعالج الشعر التالف في خلال أيام أو أسابيع. ساعات هتلاقيهم بيقولوا حاجات مجنونة بقى… دي شوية ادعاءات غريبة سمعتها شخصياً من مناديب في الأماكن دي:

  • استعملي الماسك ده على شعرك وهتلاحظي قد ايه هيخليه ناعم وجميل من أول مرة.

  • الشامبو ده لغى مشكلة الشعر التالف خلاص. مش هتحتاجي غيره.

  • المنتج ده مليان بفيتامين ه وده المكون الوحيد اللي انتي محتاجاه عشان تخلي شعرك أحلى من ملكات الجمال.

في الأول وفي الآخر أنا فاهمة ان الناس دي بتاكل عيش، بس للأسف في كتير أوي منهم مش فاهمين أي حاجة عن منتجات التجميل بعيداً عن اللي هم حافظينه عن منتجاتهم. حقيقي ان في منتجات نادرة في السوق بتعمل المفعول المطلوب فعلاً، بس مش واقعي إن أنا اضطر أجرب ٨٠ منتج عشان بس الاقي واحد بس شغال صح!

حل مشكلة الشعر التالف، بكل بساطة، استخدام المنتجات الصح اللي فيها المكونات الطبيعية اللي بتعالج الشعر وتخليه قوي وناعم. في مكونات كتير غير دول أكيد، بس احنا اكتشفنا من تجاربنا إن المكونات دي أهمهم عشان بيعالجوا مشكلة الشعر التالف من الجذور. تعالوا نشوف مع بعض هم ايه وايه اللي بيخليهم بيعالجوا الشعر التالف كويس…

العسل

لخصائص الشمعية اللي موجودة في العسل بتخليه بيخلي الرطوبة تفضل جوة الشعر والبشرة وبتمنع انه يتجفف. من أهم مميزات العسل أنه مضاد للبكتريا والإلتهابات والميكروبات، وعشان كدة بيعالج مشاكل كتير من مشاكل الشعر. مش بس كدة، العسل كمان بيخلي البشرة نضرة أكتر لأنه بيقلل من التجعدات وبينضف المسام.مهم أوي وجود العسل في أي ماسك للشعر بتستخدميه بالذات لو بتعاني من الشعر التافه، سواء كان موجود في منتج معين أو في حلول منزلية لعلاج الشعر.

عصير البنجر

محدش بيتوقع أن البنجر يكون مفيد اوي للشعر، بس الحقيقة أنه من أكتر المكونات اللي بتعالج الشعر التالف وترجعله شكله الطبيعي. من مميزات عصير البنجر أنه بيساعد في تغذية جذور الشعر وبيرطبه ويسيبه بيلمع، ده غير أنه بيعالج التلف بطريقة سريعة وقوية. المميزات دي موجودة في البنجر بسبب أنه مليان فيتامينات ومضادات الأكسدة والمعادن اللي بتفيد صحة شعرك زي ما بتفيد صحتك بالضبط لما تاكليها. أهم حاجة أنك لو هتستعملي عصير البنجر في ماسك انتي عاملاه بنفسك، أوعي شعرك يلمس أي حاجة قماش عشان ميبقعهاش.

زيت الجوجوبا

خلاص بقينا نتوقع أن احنا هنلاقي زيت الجوجوبا في أي منتج للشعر والبشرة، بس يا ترى ليه الماركات العالمية كلها اتفقت على المكون دة بالذات؟ السبب الأساسي أنه الزيت الشمعي ده بيستخدم في معظم المنتجات أنه بيرطب ويغذي الشعر بالفيتامينات والمعادن الأساسية اللي بتحتاجها فروة الشعر، وكمان بيقوي شعرك وبيمنع تساقط الشعر.لو جربتي تستخدمي زيت الجوجوبا بنفسك هتلاقي أنه مش بيكون ليه أي ريحة وده طبيعي جداً. عشان كدة هتلاقيه في معظم المنتجات بيستخدم مع روائح حلوة زي الفراولة والورد واللافندر.

الزعفران

الزعفران يعتبر من أغلى البهارات في العالم، وده له كذا سبب. أولاً، الزعفران له طعم وريحة تحفة بتحول أي طبق بيتحط فيه الزعفران، بس غير كده هو كمان مليان بمضادات الأكسدة اللي بتساعد على منع تساقط الشعر وتنظيف فروة الشعر والمسامات ومعالجة الشعر التالف.لو انتي بتيجي على شعرك دايماً وبتستخدمي الكيماويات ومكواة الشعر بإستمرار، الزعفران بيعالج التلف المسبب من الحرارة وده اللي بيخليه من أحسن المكونات اللي ممكن تستعمليها لشعرك.

أوميجا ٣

الأوميجا ٣ من المواد الغذائية المهمة للجسم ككل، وده عشان هي بتحارب الإكتئاب وتقلل الالتهاب وتساعد في حماية القلب لما بناكلها، بس هل انتي كنتي عارفة ان هي مفيدة جداً جداً لشعرك؟دهون الأوميجا ٣ والدهون اللي بتحمي الشعر عموماً من المكونات الأساسية في أي منتج للشعر، وده عشان بتحمي الشعر ضد التلف المتسبب من الشمس وبتنشط نمو الشعر وبتمنع تساقط الشعر. عشان كده حاولي تستخدمي الأوميجا ٣ عشان تحافظي على صحة شعرك.

طب لو أنا معنديش وقت للكلام الفاضي ده؟

لو انتي قريتي كل ده أكيد بتفكري بينك وبين نفسك أن ازاي حد عنده كل الوقت ده؟ وبعدين بقى بعد كل الوقت ده هنقعد نستحمل الروائح البايخة والتلزيق والبقع ازاي؟

بصراحة، أنا شخصياً عمري ما قابلت حد عنده كل الوقت ده. كلنا عندنا مشاغل زي الشغل والعائلة والصحاب، وعشان كدة صعب أوي نعمل ونستخدم ماسكات بكل المكونات دي في البيت.

بس بما إن احنا بني آدمين طبيعيين وعندنا مسؤوليات زينا زيك، قررنا نعمل الحل المثالي للمشكلة دي.

احنا عملنا كايوس عشان نحل المشاكل اللي كلنا بنقابلها كستات. كلنا بندور على منتجات عملية تساعدنا نعالج مشاكل الشعر والبشرة من غير ما تضيع وقتنا أو تمنعنا عن الحياة اليومية، وكلنا عايزين يكون شكلنا دائماً حلو من غير ما نقف بالساعات قدام المراية. أهم حاجة بقى ان احنا محتاجين المنتجات اللي بنستعملها تكون فعلاً بتحل المشاكل دي، وميكونش بس كلام، ويا سلام لو المكونات طبيعية ومش بتإذي الشعر بكيماويات وتزود مشكلة التلف على المدى الطويل.

كايوس بيقدملك كل ده و زيادة!

جربي منتجاتنا بنفسك وانضمي للآلاف من عملائنا السعداء اللي متأكدين تماماً من جودة منتجاتنا. مهما كانت المشكلة اللي بتعاني منها، سواء هي تلف الشعر أو القشرة أو جفاف الشعر، احنا عندنا منتجات هتحل مشاكلك بطريقة سريعة ومبهرة، وكلهم معمولين بمنتجات طبيعية هتساعدك تعالجي شعرك وتحافظي على صحته. جربي ماسك دامدجد للشعر لو بتعاني من التلف وهتشوفي الفرق بنفسك!

مش بس كدة، كل منتجات كايوس كمان:

  • سهلة وسريعة الاستخدام. 
  • تقدري تستعمليها على شعرك وهو ناشف و تكملي يومك.
  • عمرها ما هيخلي شعرك ملزق أو مزيت.
  • ريحتها تحفة ومريحة للأعصاب.
  • معمولة من مكونات طبيعية.
  • مفعولها سريع.
  • عمرها طويل.
  • بتمتص بسرعة وسهولة.
  • احنا قولنا ان ريحتها تحفة، صح؟
العربية