Left مواصلة التسوق
طلبك

You have no items in your cart

Quick Fix Natural Hair Products & Routine for Dry Hair

منتجات و روتين للشعر الضعيف هيغيروا حياتك

يستخدم مرة واحدة في الأسبوع.البابونج🌼محتاجة منتج طبيعي يحل لك مشكلة الشعر الضعيف؟

أظن كلنا نقدر نتفق ان اكتر حاجة بتضايق البنت لما تكون شعرها أو بشرتها مش مريحاها بأي شكل من الأشكال.لما بيكون شكلنا حلو بنعرف نستمتع بحياتنا اكتر، ومفيش حاجة في الدنيا دي بتنكد على البنت زي الشعر الضعيف الهش. أنا عن نفسي لما شعري بيكون كدة ببقى عارفة ان انا داخلة على يوم نكد. عشان كده احنا اخترعنا كايوس. منتجات كايوس مصممة عشان تخلي أي واحدة انها تحس ان هي أجمل واحدة في العالم مهما كان عندها وقت فاضي قد ايه.عشان كده لو انتي بتعاني من ضعف الشعر هتلاقي عندنا الحلول اللي بتدوري عليها. منتجاتنا كلها مصممة عشان تحل مشاكل الشعر الشائعة اللي ستات كتير بتعاني منها من غير ما تكبر المشاكل على المدى الطويل، وده عشان احنا بنستخدم مكونات طبيعية عالية الجودة لدرجة أنها صالحة للأكل، بالذات عشان هي مليانة بالفيتامينات والمعادن اللي جسمك محتاجها.من أحسن المنتجات الطبيعية اللي هتلاقيها لعلاج الشعر الضعيف هو ماسك نوريش للشعر. تعالوا نشوف مع بعض ليه المنتج ده كويس جداً لشعرك…

طيب، ايه المكونات اللي بتخلي الماسك ده فعال للدرجة دي؟

ماسك نوريش بيعمل لشعرك اللي أكلة صحية متكاملة بتعمله لجسمك. الماسك ده بيغذي شعرك من الجذور بطريقة سحرية عشان يخليه صحي ويرجعله لمعته الأصلية.

كل المكونات اللي استخدمناها في الماسك ده مش بس صالحة للبشرة، دي صالحة للأكل كمان. مش هتلاقي في المكونات كيماويات ضارة عشان احنا عايزين المنتج ده يكون بيغذي شعرك ويحسن صحته على المدى الطويل، وده غير انه يرطب الشعر بسرعة وسهولة عشان تقدري تستعمليه باستمرار. المكونات اللي استخدمناها مش بس بتخلي الماسك شكله وريحته حلوين، احنا اخترناها بالتحديد عشان هي فيها المواد الغذائية اللي شعرك محتاجها عشان يكون شكله وملمسه حلو طول السنة.

أحلى حاجة في الماسك ده بقى انه مش هيخلي شعرك ريحته وحشة ولا هيخليه يلزق. تقدري تحطيه بس على شعرك وهو ناشف وتكملي يومك، ومش هتحتاجي تغسليه حتى بعدها!

طيب، ايه المكونات اللي بتخلي الماسك ده فعال للدرجة دي؟

مش قولنالك ان الماسك ده كأنه وجبة متكاملة لشعرك؟ ماسك نوريش للشعر جواه ١٦ مكون بس، وكل واحد فيهم بيلعب دور معين في انه يغذي شعرك ويخليه شكله وريحته وملمسه أحلى مما تتخيلي؟

الجرجير وزيت الجرجير🥗

الجرجير ويت الجرجير بينشطوا نمو الشعر وبيخلوا خصل الشعر أطول وأقوى. الجرجير كمان بيغذي فروة الشعر ويخليها صحية وجميلة.

زيت الزيتون🍈

زيت الزيتون من المكونات الأساسية في الماسك ده عشان موجود فيه كمية مواد مغذية للشعر هتساعدك شعرك يطول بطريقة صحية، وكمان بيريح فروة الشعر عشان مليان مواد مضادة للبكتريا. مش بس كده، لا ده كمان مليان مضادات الأكسدة عشان يمنع تساقط وتلف الشعر.

زيت الافوكادو🥑

معروفة ان زيت الافوكادو من المكونات الطبيعية المهمة للشعر التالف والجاف لأسباب كتير. أولها انه بيغذي الشعر بالفيتامينات والمعادن ومضادات الأكسدة اللي شعرك بيحتاجها، وغير كده زيت الافوكادو مفيد جداً للشعر عشان بيمنع القشرة والتقصف وبيسيب شعرك في قمة النعومة والجمال.

زيت اللوز الحلو💧

زيت اللوز الحلو من المكونات الأساسية في الماسك ده عشان هو مليان مضادات أكسدة هتساعدك تحافظي على صحة ولمعة شعرك. ده غير انه مرطب عميق للشعر وبيهدي القشرة والحكة عشان شعرك ميبقاش بس شكله حلو، يبقى مصدر للراحة والسعادة بالنسبة لك.

هريس البرقوق❣️

كلنا عارفين ان البرقوق مفيد جداً للجسم لما بناكله، بس مش كله عارف انه كمان مفيد جداً للشعر والبشرة. البرقوق مليان مضادات أكسدة وفيتامينات أساسية زي فيتامين أ و هـ اللي هيحموكي ضد التلف المتسبب من الشمس عشان شعرك يفضل ناعم ولامع طول السنة.

عصير الطماطم🍅

الطماطم فيها كمية مواد مغذية للشعر بتعمل حاجتين: أول حاجة ان هي بتمنع تساقط الشعر، والتانية انها بتخلي شعرك لامع وجميل، وعشان كده كان لازم يكون موجود عصير الطماطم في الماسك ده.

المستكة ⚪️

كلنا بنحب اللبان بالمستكة، وكلنا بنحب لما بناكل رز بلبن ونلاقي طعم المستكة باين فيه، بس المستكة من أحسن المكونات اللي ممكن تستعمليها في شعرك كمان. المستكة بتساعد في تنظيف خصل وفروة الشعر بطريقة خفيفة عشان يكون ناعم ولامع وجميل.

البقدونس🥬

البقدونس من الأكلات الصحية والمغذية جداً، وده بينطبق على شعرك كمان. البقدونس بيقدم قيمة كبيرة لأي منتج للشعر عشان هو بيساعدك تحافظي على لون شعرك الطبيعي وبيعالج القشرة ويساعد شعرك يطول بطريقة صحية.

زهرة الورقة🍃

زهرة الورقة لها مفعول سحري على الشعر لأنها بتغذي الشعر من جذوره. المكون العظيم ده بيساعد على نمو الشعر بصحة ومنع تساقط الشعر والقشرة، ده غير انه بيمنع الشيخوخة المبكرة للشعر!

البابونج🌼

البابونج من مكوناتنا المفضلة في الماسك ده لأنه مغذي جداً للشعر، بالذات الشعر الجاف. غير كده، البابونج له فوائد كتير زي انه بيساعد في علاج الشعر الهايش والقشرة وتساقط وتلف الشعر. حاولي تتأكدي انك بتستخدمي منتج بالبابونج لشعرك عشان ميفوتكيش فوايده العظيمة. الحلو بقى في ماسك نوريش انه في نسبة البابونج اللي شعرك محتاجها عشان تحافظي على صحته ولمعته.

الزعتر🌿

الزعتر من الزيوت الأساسية المهمة للشعر ومن أقواهم، وعشان كدة نسبته في ماسك نوريش للشعر مش كبيرة. الزعتر عنده قدرة فظيعة على تنشيط فروة الشعر ومنع التساقط، وده بيخلي شعرك أقوى بكتير!

فيتامين هـ💊

فيتامين هـ من أهم الفيتامينات اللي شعرك وفروة رأسك محتاجينها عشان تحافظي على صحتهم. مع إن في مكونات كتير من اللي استخدمناها في الماسك ده جواها فيتامين هـ، بس كان لازم نضيف شوية كمان عشان الماسك يخلي شعرك في أحسن حالاته، من أهم مميزاته انه بيساعد شعرك انه يطول بطريقة صحية.

حبيبات القهوة☕️

انا شخصياً معرفش أقوم من السرير من غير الكابتشينو الصباحي بتاعي، بس قبل كايوس انا ماكنتش أعرف إن القهوة اللي بتفوقني وتفرفشني عندها نفس المفعول عالشعر كمان! عشان القهوة بتنشط الدورة الدموية بتساعد على منع تساقط الشعر، وكمان بتخليه يطول بطريقة صحية عشان يكون ناعم ولامع ومن غير ما يبيض.

حبيبات القرفة🍂

القرفة تعتبر بتعمل نفس الدور بتاع القهوة في الماسك ده عشان هي كمان بتنشط الدورة الدموية وبتساعد في توصيل الدم لفروة الرأس والشعر. القرفة كمان بتحتوي على كيماويات طبيعية بتقلل تساقط الشعر وتساعده يكبر بطريقة طبيعية وجميلة.

يلانغ يلانغ🏵

مع إن اليلانغ يلانغ مش بيغذي شعرك بقوة زي بقية المكونات، احنا كان لازم نخليه موجود في الماسك ده عشان يخليه ماسك متكامل ومريح للأعصاب. اليلانغ يلانغ بيقلل توتر الأعصاب وضغط الدم، ده غير انه ممكن يعالج الصداع في حالات معينة. ده من مكوناتي المفضلة في الماسك ده عشان هو مش بس كويس لشعرك، ده كويس لصحتك النفسية كمان.

طيب، الماسك الحلو ده بستخدمه ازاي بقى؟

أحلى حاجة في الماسك ده انه زي بقية ماسكات شعر كايوس مش بيخلي شعرك مزيت أو ملزق. كمان تقدري تستخدميه على شعرك وهو ناشف وتكملي يومك، وريحته تحفة عشان تبقي ماشية حاسة انك ملكة جمال العالم طول اليوم. ميزته الأساسية، بعيداً عن انه بيغذي شعرك بطريقة محصلتش، انه سهل جداً في استعماله ومش بيحتاج وقت كتير خالص.

بمنتهى البساطة هتمشي على الخطوات دي عشان تستخدمي ماسك نوريش للشعر

إستعملي الماسك مباشرة على شعر جاف أو ضعيف ومش ضروري يكون الشعر مغسول قبل الاستخدام. سيبي الماسك على شعرك لمدة 30 دقيقة على الأقل ممكن تخلصي فيهم كام حاجة في السريع أما لو حابة تسيبي الماسك مدة أطول من 30 دقيقة سيبيه براحتك لأن مكوناته كلها طبيعية فممكن تغسليه بالشامبو والكونديشنر عادي وقت ما تحبي . ولأن طبيعة الماسك غير دهنية تأكدي إنه مش هيزعجك ولا هيسبب بقع في أي حتة.

طب أعمل ايه لو انا محتاجة روتين كامل يغذي شعري من أوله لآخره؟

لو شعرك جاف أو هش أو ضعيف، ماسك نوريش للشعر هيساعدك ترجعي نعومة وجمال شعرك زي الأول وأحسن كمان. بس لو عايزة تسرعي الموضوع وتعوضي شعرك عن التعب اللي تعبه معاكي السنين اللي فاتوا، عندنا ليكي روتين تحفة هيغير لك حياتك!

لو شعرك بيعاني من المشاكل دي: شعر جاف متقصف باين عليه تأثير الحرارة والكلورين ... الحقيه بالفورميولا السحرية لماسكات الشعر من كايوس، هتقضي على الجفاف وتعيد لشعرك نعومته وحيويته. وطبعا لازم يكون ضمن فرقة الإنقاذ كيس مخدة حريري ينادي للنوم في ثواني وطول فترة النوم يحتضن شعرها في نعومة ويحافظ على انسيابيته وتألقه. مجموعة فيرست إد هي اللي هتعملك كل ده وأكتر كمان.

ايه بقى خطوات الروتين الجميل ده؟

أحلى حاجة في الروتين ده إن هو أسهل من السهولة. كل اللي محتاجة تعمليه انك تمشي على الخطوات دي:

  • حطي سيروم جروث لنمو الشعر على فروة الرأس وقومي بتدليك بدقة من مرتين ل٣ مرات في الاسبوع. مش محتاجة تغسلي شعرك بعدها.

  • حطي ماسك دامجد للشعر التالف على طول شعرك ، على بعد 5 سم من فروة الرأس على الشعر الجاف ، واتركيه لمدة 30 دقيقة على الأقل حتى 24 ساعة. اغسليه واستعملي البلسم الخاص بيكي. يستخدم مرة واحدة في الأسبوع.

  • حطي ماسك نوريش المرطِب على طول شعرك ، على بعد 5 سم من فروة الرأس على الشعر الجاف ، واتركيه لمدة 30 دقيقة على الأقل حتى 24 ساعة. اغسليه واستعملي البلسم الخاص بيكي. يستخدم مرة واحدة في الأسبوع.

  • لو كنتي بتنتقلي من الشعر المعالج كيميائيًا إلى الشعر الطبيعي ، فاستخدمي الروتين باستمرار لمدة شهر إلى شهرين على الأقل.

وبس كدة… ده كل اللي انتي محتاجاه عشان تحلي مشكلة ضعف الشعر، ولو مشيتي على الروتين ده صح هتلاقي ان شعرك رجعله نعومته وصحته وحيويته. أوعدك، جربي وهتشكريني!

العربية