فيتامين E الألفا السكسي على مجموعة الفيتامينات

شعرنا وبشرتنا من أكتر الحاجات اللي بتتعرض طول اليوم لحاجات كتير بتأذي وتضر صحتنا زي أشعة الشمس القوية والتلوث ودخان السجاير والتراب، وكلها عوامل مضرة أصبحت جزء من حياتنا اليومية بتقضي على مظهر صحي وجذاب، وللأسف إنه مع مرور الوقت بتقل قدرة خلايا الجسم على التعامل مع تراكمات ال Free Radicals المدمرة لكن في وسط هذا الهجوم الشرس بوووووووووووووم يظهر فيتامين E السوبر هيرو الجبار ليعيد النضارة والحيوية لشعرنا وبشرتنا

شكرا، شكرا... بنحب نبهركم بخبرتنا! نرجع لموضوعنا

القاعدة في الحرب بتقول إعرف عدوك وعلشان كده لازم نشرح ايه هي ال Free radicals ببساطة دي عبارة عن ذرات بتتكون في الجسم نتيجة للتعرض للعوامل المضرة اللى اتكلمنا عنها. الذرات دي لما بتتجمع على بعضها بتهاجم الخلايا السليمة في الجسم و بتؤدي لأمراض خبيثة وللشيخوخة المبكرة. لكن لحسن الحظ ان فيتامين E بطبيعته مضاد للأكسدة وعنده القدرة السحرية على مقاومة ذرات ال Free radicals والقضاء على خطورتها تماما أول بأول.

من المعروف ان الجفاف والتهابات فروة الرأس أفضل بيئة لظهور قشرة الشعر فطبيعي انها تؤدي لتساقطه وسد مسام الجلد وأعراض كتيرة مؤلمة ومخيفة. الجميل في الموضوع انه من مميزات فيتامين E تحفيز الدورة الدموية علشان توصل لكل خلايا الجسم فتخلق طبقة عازلة تمنع الجفاف الشعر وترطب البشرة وفروة الرأس بشكل صحي يساعد على نمو شعرقوي و لامع ويمنع تقصفه وسقوطه.

قوة و فاعلية فيتامين E مش سر دفين ولا اكتشاف جديد وعلشان كده هو عنصر أساسي مكتوب على كل عبوات المنتجات الطبيعية للعناية بالشعر والبشرة لكن السؤال المحير دايما بيكون هو إيه أفضل منتج؟ وإيه الكمية المناسية اللي ماتخليش شعرك شكله وحش و مزيت؟ الإجابة الزكية هي GROWTH hair solution دى عبارة عن تركيبة مكونها الاساسى هو فيتامين E لكن بالكمية المناسبة لشعر حيوي ومتألق مش هتاخد منك أكنر من خمس دقايق علشان تبتدي توصل التغذية بعمق للجذور وتوفر لشعرك كل فوايد فيتامين E في وقت قياسي من غير حيرة ولا تفكير.